İranın Fransadakı səfirinə sərt xəbərdarlıq edildi

“Avropa səviyyəsində İrana qarşı sanksiyalar sərtləşdirilməlidir”. Bunu Almaniyanın xarici işlər naziri Annalena Berbok deyib.

“Mən israrla sanksiyaların genişləndirilməsinin tərəfarıyam, çünki biz İranın hərəkətlərinin nə qədər təhlükəli olduğunu görürük”, – deyə xanım diplomat bildirib.

Parisdə isə İran səfiri Xarici İşlər Nazirliyinə çağırılıb. Bu barədə Fransanın xarici işlər naziri Stefan Sejurne deyib.

“Qətiyyətimizin siqnalını çatdırmaq üçün İran səfirini çağırmağı göstəriş vermişəm”, – deyə nazir qeyd edib.

Eyni zamanda o bildirib ki, Yaxın Şərqdə münaqişənin genişlənməsinə yol vermək olmaz. Fransanın prioriteti girovların azad edilməsi, atəşkəs və Qəzza zolağına humanitar yardımın daxil olmasını təmin etməkdir.