İrəvanda arxiyepiskop Arşak Xaçatryan saxlanılıb
İrəvanda Eçmiədzin dəftərxanasının rəhbəri, arxiyepiskop Arşak Xaçatryan saxlanılıb.
Bu barədə vəkil Arsen Babayan bildirib.
Hüquqşünasın sözlərinə görə, o, Milli Təhlükəsizlik Xidmətinin əməkdaşları tərəfindən İstintaq Komitəsinin binasında saxlanılıb. Arxiyepiskop narkotik vasitələrin qanunsuz satışında şübhəli bilinir.
İlkin istintaq çərçivəsində Ermənistan Cinayət Məcəlləsinin 393-cü maddəsinin 2-ci hissəsinin 1 və 4-cü bəndləri, yəni narkotik vasitələrin əvvəlcədən əlbir olan şəxslər qrupu tərəfindən və ictimai yerdə qanunsuz satışı üzrə cinayət işi açılıb.
Müstəntiqlərin məlumatına görə, yepiskop 2018-ci ildə bütün ermənilərin katolikosu II Qareginin istefası tələbi ilə etiraz aksiyası keçirən fəalın çantasına narkotik maddə yerləşdirib. İddialara görə, Xaçatryan bunu etirazçıları nüfuzdan salmaq üçün edib.
Qeyd edək ki, bu, Ermənistan Kilsəsinin həbs edilən dördüncü yüksəkvəzifəli iyerarxıdır. Hazırda məhkəməyəqədər həbsdə olanlar arxiyepiskop Baqrat Qalstanyan, Erməni Apostol Kilsəsinin Şirak yeparxiyasının rəhbəri arxiyepiskop Mikael Ajapaxyan və Araqatsotn yeparxiyasının rəhbəri, yepiskop Mkrtıç Proşyandır.
#Ermənistan teqi istifadə olunub
- "Qərbi Azərbaycanda yaşamış azərbaycanlıların mədəni irsini məhv ediblər" | Prezident - Baku TV
- Kərki kəndinin qaytarılması Ermənistanda niyə təşviş yaradır? | QƏRBİ AZƏRBAYCAN XRONİKASI
- Rəsmi Moskva Sarkisyanın Putinə yazdığı məktubun dərc edilməsinə münasibət bildirdi - Baku TV CANLI
- Zaxarova od püskürdü | “Brüssel vampirləri” istəyirlər ki...”
- "Azərbaycan hərbi baxımdan həmişə Ermənistanı üstələyib" | Ruben Rubinyan - Baku TV
