Pleyeri seçin:
İşləyən ürəyin transplantasiyası əməliyyatı həyata keçirildi
İtaliyanın Paduya şəhərində həkimlər dünyada ilk dəfə işləyən ürəyin transplantasiyası əməliyyatını həyata keçiriblər.
Bu barədə “Messaggero” nəşri məlumat yayıb.
Mütəxəssislərin sözlərinə görə, bu üsulla həm orqanın götürülməsi, həm də transplantasiya zamanı işemiya, yəni qan təchizatının azalması və reperfuziyadan, yəni qan dövranının bərpası təzahürlərindən yaranan zədələr aradan qaldırılacaq.
Həkimlər hesab edirlər ki, yeni texnologiya ürək funksiyalarının daha sürətli bərpasını təmin edəcək. Qeyd olunur ki, ürək köçürülən xəstə sağlamdır və evə yazılmağa hazırlaşır.
Xatırladaq ki, eyni xəstəxanada, lakin təxminən 40 il əvvəl İtaliyada ilk ürəkköçürmə əməliyyatı aparılıb.
Kopyalandı
#Ürək transplantasiyası teqi istifadə olunub
Seçilmişlər
