İsrail hərbçiləri məscidə girib yəhudi mahnısı oxudu | Gündəm olan görüntülər

İsrail əsgərlərinin İordan çayının qərb sahilində yerləşən Cenin şəhərində əməliyyat zamanı məscidə daxil olma anı sosial mediada gündəm olub.

Yayılan görüntülərdə hərbçilər ayaqqabıları ilə ibadətgaha ayaq basıblar. Daha sonra əsgərlərdən biri mikrofonu götürərək yəhudilərin daim səsləndirdikləri "Şema Yisrael", yəni “Ey İsraili dinlə” duasını oxuyub, digər əsgərlər isə onu videoya çəkiblər.

Hadisənin görüntüləri yayılandan sonra İsrail Müdafiə Qüvvələri dərhal məsələyə münasibətini bildirib.

Sosial media hesablarındakı məlumatda onlar əsgərlərinin ibadətgah daxilində ordunun davranış qaydalarına zidd hərəkət etdiklərini etiraf ediblər. Bildirilib ki, sözügedən hərbçilər hadisədən dərhal sonra ordudan uzaqlaşdırılıb.

Bundan başqa, İsrail Müdafiə Qüvvələrinin məlumatında həmin əsgərlərin nizam-intizam qaydalarını pozduqları üçün cəzalandırılacaqları da qeyd edilib.

Məlumat üçün bildirək ki, İsrailin sabiq milli təhlükəsizlik naziri və ifrat sağçı siyasətçisi Ben-Qvir də bu hadisəni tənqid edib. Nazir əsgərlərin bu addımını açıq təxribat kimi qiymətləndirib və günahkarların cəzalandırılmasını tələb edib.