İsrail Ordusundan Livana dəhşətli hücum | Çox sayda ölən və yaralanan var

İsrail Hərbi Hava Qüvvələri “Hizbullah”ın mövqelərinə onlarla aviazərbələr endirib. Hücum nəticəsində azı 100 nəfər ölüb, 400-dən çox yaralı var.

Bu barədə məlumatı Livanın Səhiyyə Nazirliyi yayıb.

Yaralı sayı çox olduğundan ölü sayının artacağı istisna edilmir. Bildirilib ki, İsrailin raket zərbələrindən ən çox Livanın Habbuş şəhəri və ölkənin cənub əraziləri zərər çəkib.

Qeyd edək ki, bu aviazərbələr və ya İsrailin müdafiə naziri Yoav Qallantın dili ilə desək, antiterror əməliyyatları gözlənilən idi.

Xatırladaq ki, sentyabrın 23-ü səhər saatlarında İsrail Ordusu mülki şəxslərə “Hizbullah”ın silah saxlamaq üçün istifadə etdiyi yerlərdən uzaqlaşmaları barədə xəbərdarlıq edib.