İsveç bayrağı bu tarixdən NATO-da dalğalanacaq

ABŞ-nin paytaxtı Vaşinqtonda keçirilən xüsusi mərasimdə İsveçin rəsmi olaraq NATO-nun 32-ci üzvü olduğu bəyan edilib.

Belə ki, ABŞ dövlət katibi Entoni Blinken və İsveçin baş naziri Ulf Kirstersson Vaşinqtonda görüşdən sonra birgə mətbuat konfransı keçiriblər.

İsveçin NATO ittifaqında iştirakına dair rəsmi giriş protokolunu mətbuata göstərən Blinken İsveçlə NATO-nun daha da güclənəcəyini və bunun ittifaq üçün tarixi bir an olduğunu bildirib.

Xatırladaq ki, martın 11-də NATO-nun Brüsseldəki qərargahında rəsmi mərasim keçiriləcək və orada İsveç bayrağı qaldırılacaq.