Kamala Harris Ağ Evə rəhbərlik etmək istəyir?

ABŞ Prezidenti Donald Tramp 2028-ci il üçün prezidentliyə namizəd olmayacağını açıqlayıb.

“Bəli, mən 3-cü dəfə prezident ola bilmək üçün vitse-prezidentliyə namizədliyimi verə bilərəm. Bu, mümkündür. Lakin mən bunu etmək istəmirəm. Bu, çox ağıllı bir addım olardı. Zənnimcə, istəsəm, buna nail olaram. Lakin insanların bundan zövq alacağını düşünmürəm. Bu, doğru bir addım deyil. Bundan əlavə, bizdə əla namizədlər var. ABŞ-nin Dövlət katibi Marko Rubio və vitse-prezident Cey Di Vens, onlara qarşı kiminsə rəqib ola biləcəyini zənn etmirəm. Əgər onlar birləşib bir koalisiya qursaydılar, heç kim onlara qalib gələ bilməzdi. Mən həqiqətən də buna inanıram”, – o deyib.

Məlumat üçün bildirək ki, Ağ Ev lideri prezidentliyə namizəd olmaq istəməsə də, onun Demokratlar Partiyasından olan rəqibi və ölkənin sabiq vitse-prezidenti Kamala Harris eyni fikirdə deyil.

K.Harris 2024-cü ildəki məğlubiyyətindən sonra BBC-yə müsahibəsi zamanı siyasətdən əlini tam üzmədiyini vurğulayıb.

“Mən bütün həyatımı buna həsr etmişəm. Bu mənim ruhumdadır”, – deyə o qeyd edib.

Lakin ABŞ-li siyasətçi hələ qərarının dəqiqləşmədiyini bildirib.