Kavelaşvili və Ərdoğan təyyarə qəzası ilə bağlı son durumu müzakirə ediblər
Türkiyə Prezidenti Rəcəb Tayyib Ərdoğan Gürcüstan Prezidenti Mixeil Kavelaşvili ilə telefon danışığı aparıb.
Bu barədə Türkiyə Prezidenti Administrasiyasının Kommunikasiya İdarəsi məlumat yayıb.
Danışıq zamanı Gürcüstanda qəzaya uğrayan Türkiyənin hərbi yük təyyarəsi ilə bağlı başlanan axtarış-xilasetmə işlərinə dair son vəziyyət müzakirə olunub.
Gürcüstan Prezidenti qəza nəticəsində şəhid olan hərbçilər üçün Ərdoğana başsağlığı verib. Türkiyə Prezidenti başsağlığı diləkləri və dəstəyi üçün Gürcüstan Prezidentinə təşəkkürünü bildirib.
Qeyd edək ki, noyabrın 11-də Gürcüstan ərazisində qəzaya uğrayan Türkiyə Hərbi Hava Qüvvələrinə məxsus "C130" tipli hərbi nəqliyyatda heyətin bütün üzvləri həlak olub. Təyyarənin qalıqları Xolaqiri monastırının yaxınlığındakı dik yamaclara səpələnib və yerli sakinlər tərəfindən aşkar edilib. Bundan başqa, Gürcüstanda mümkün aviasiya təhlükəsizliyi pozuntusu ilə bağlı cinayət işi başlanıb. İşlər Türkiyə və Azərbaycanın birbaşa dəstəyi ilə koordinasiyalı şəkildə həyata keçirilir.
#Mixeil Kavelaşvili teqi istifadə olunub
- Mixeil Kavelaşvili: "Bu, terror aktıdır"
- Gürcüstan Prezidentinin BMT-dəki çıxışında diqqətçəkən məqamlar
- Türkiyədəki mühüm görüşdə Azərbaycan və Ermənistan diqqət mərkəzində | Detallar açıqlandı
- Papuaşvilidən siyasətçilərin əfv edilməsi təklifi ilə bağlı açıqlama | Danışmaq imkanına belə...
- Mixeil Kavelaşvilinin ilk rəsmi səfəri Azərbaycana olub
