Pleyeri seçin:
Kleopatranın cənazəsi barədə qəribə iddialar | Əsl siması necə olub?
VII Kleopatranın itən məzarını axtaran arxeoloq Misir kraliçası ilə birbaşa əlaqəli tarixi kəşfə imza atıb.
Təxminən 20 ildir məzarı axtaran Ketlin Martinez eramızdan əvvəl 51-30-cu illərdə Misiri idarə edən kraliçanın əsl simasını əks etdirən heykəl tapdığını iddia edib. Ağ mərmər heykəldə balaca burunlu, dodaqları büzüşmüş, saçları hörülmüş qadın təsvir edilib.
Taposiris Magna məbədində həmçinin Kleopatranın təsviri olan 337 sikkə, çoxsaylı keramika, neft lampaları, heykəlciklər və digər artefaktlar aşkarlanıb.
Arxeoloqun fikrincə, Kleopatranın cənazəsi tunel vasitəsilə saraydan çıxarılaraq məbədin gizli bir yerində basdırılıb.
Bir qrup mütəxəssis isə onun bu fikri ilə razılaşmayıb. Onların qənaətinə görə, Kleopatra adıçəkilən məbəddə deyil, İsgəndəriyyə şəhərinin müəyyən bir yerində dəfn edilib.
Bundan əlavə, onlar tapılan heykəldə kraliça yox, kral sülaləsindən olan başqa bir qadının təsvir olunduğunu bildiriblər.
Kopyalandı
#Misir teqi istifadə olunub
Seçilmişlər
