Kosmonavt geyimlərində yeni dövr | Xüsusi hazırlanmış kostyumların özəllikləri

Milanda keçirilən Beynəlxalq Astronavtika Konqresində nümayiş etdirilən yeni “Axiom Extravehicular Mobility Unit” (AxEMU) çətin Ay şəraitində fəaliyyət göstərmək üçün kostyumlardır.

Kosmonavtlar üçün kostyumların hazırlanması həddindən artıq mühəndislik bacarığı, xüsusi istehsal qabiliyyəti və innovasiya tələb edir.

Mühəndislər bildiriblər ki, dizayn baxımından kosmonavt kostyumları funksionaldır. Tarixən dizayn üçün bütün seçimlər yalnız estetik səbəblərə deyil, əsasən funksionallığa əsaslanır.

Aya səyahət üçün gələcək nəsil skafandrını təqdim edərkən İtalya mütəxəssisləri bildiriblər ki, funksional dizaynın yaradılması skafandrların inkişafında inqilab sayılır.

Skafandrlar Ayın cənub qütbündə yüksək temperatura və kölgəli bölgədə ən soyuq hava şəraitinə təxminən 2 saat davam gətirir. Yeni kostyumlar sayəsində astronavtlar ən azı 8 saat kosmosda gəzintilər edə biləcəklər.

Ay mühitini simulyasiya etmək üçün sualtı daxil olmaqla skafandrlar geniş sınaqlardan keçib.

“Prada” kosmonavt kostyumu Hyustonda yerləşən “Axiom Space” startapının NASA-nın “Artemis 3” Ay missiyasında istifadə olunacaq. “Artemis 3” kosmonavtlarının Aya enişi 2026-cı ilə planlaşdırılıb.

Ümumiyyətlə, kosmik tədqiqatlar və turizm sənayesi inkişaf etdikcə lüks brendlər tərəfdaşlarının sayını artırır. Bir müddət əvvəl “Pierre Cardin” moda evi də Kölndəki Avropa Kosmik Agentliyinin mərkəzində istifadə ediləcək astronavt təlim kostyumunu təqdim edib.