Madriddəki qandonduran hadisənin təfərrüatı | Qatil saxlanıldı, yoxsa...?
Ukraynanın sabiq prezidenti Viktor Yanukoviçin administrasiya rəhbərinin müavini Andrey Portnov İspaniyanın Madrid yaxınlığında yerləşən Posuelo de Alarkon şəhərində güllələnib.
Bu barədə “Cadena SER” radiostansiyası məlumat yayıb.
İspan mənbələrinin verdiyi məlumata görə, A.Portnov beş güllə yarası alıb, dördü sinəsinə, biri isə başına dəyib.
Hadisə yerli məktəbin girişində baş verib. ABC nəşri dəqiqləşdirir ki, hücum edən şəxs hadisə yerindən qaçıb və hazırda polis onu axtarır.
“Cadena SER”in mənbələri bildirir ki, qatil A.Portnovu motosikletdə gözləyirmiş. A.Portnov yaxınlaşan kimi hücum edən şəxs atəş açaraq hadisə yerindən uzaqlaşıb.
Andrey Portnov keçmişdə V.Yanukoviçin yaxın ətrafında yer alıb və dövlət vəsaitlərinin təyinatı üzrə istifadə edilməməsi, eləcə də insan haqlarının pozulması ittihamları ilə Avropa İttifaqının sanksiyalar siyahısına salınıb.
Daha sonra bu ittihamlardan bəraət alsa da, Ukrayna xüsusi xidmət orqanları onun Rusiya ilə mümkün əlaqələrinə dair araşdırmanı davam etdirirdi.
A.Portnov həmçinin 2006-cı ildə Yuliya Timoşenko blokunun siyahısı ilə Ukrayna Ali Radasına deputat seçilib. Qətllə bağlı istintaq davam edir. Hadisənin motivləri hələlik rəsmi şəkildə açıqlanmayıb.
#Ukrayna teqi istifadə olunub
- Kiyevdə Ulu Öndər Heydər Əliyevin xatirəsinə ağacəkmə aksiyası keçirilib - Baku TV
- "Bu, müharibənin sonunun başlanğıcıdır" | Atəşkəs qərarı müharibəni bitirəcək?
- Rusiya və Ukrayna atəşkəs barədə razılığa gəldi | Zelenski orduya tapşırıq verdi - Baku TV CANLI
- Zelenskidən Moskvaya gedəcək liderlərə xəbərdarlıq | Paradda nələr yaşanacaq? - Baku TV
- Aİ komissarı açıq danışdı | Ukrayna qarşısında hansı şərt qoyuldu? - Baku TV
