Maliyyələşmənin dayandırılması Pentaqon və DTN-ə aiddir

ABŞ Konqresinin yuxarı palatası keçən həftə Nümayəndələr Palatası tərəfindən qəbul edilmiş bir neçə dövlət qurumlarının 1,2 trilyon dollar həcmində maliyyələşdirilməsi paketini rədd edib.

Qanun layihələrinin lehinə 45 senator səs verib, 55-i isə əleyhinə çıxıb. Sənədlər demokratlar, eləcə də 8 respublikaçı tərəfindən rədd edilib.

Qeyd olunur ki, qanunvericilik aktları Daxili Təhlükəsizlik Nazirliyi, hərbi, maliyyə və nəqliyyat qurumlarının maliyyələşdirilməsini nəzərdə tuturdu. Bu, Tramp administrasiyasının qeyri-qanuni miqrantlara qarşı mübarizə kampaniyası, həmçinin Minnesotada baş verən hadisələr və sərhəd xidməti əməkdaşının şəhərdə bir kişini güllələməsindən sonra ştatın paytaxtı Minneapolisdə alovlanan etirazlar fonunda baş verib.

Demokratlar Partiyası Daxili Təhlükəsizlik Nazirliyinin maliyyələşdirilməsini ayrı bir qanun layihəsinə həyata keçirməyi tələb edir, çünki demokratlar qurumun işini məhdudlaşdırmaq üçün ona düzəlişlər etmək niyyətindədirlər.

Həftəsonu şatdaunun baş verməsi real ssenaridir, çünki qanun layihələrinə düzəlişlər edilərsə, Nümayəndələr Palatası təsdiqləməlidir.

Nümayəndələr Palatasının iclası fevralın 2-də keçiriləcək. Konqres artıq 12 hissədən 6-nı təsdiqlədiyi üçün mümkün şatdaun qismən olacaq. Belə ki, bu, ədliyyə, ticarət, kənd təsərrüfatı, daxili işlər və veteranların işləri üzrə nazirliklərin işinə təsir etməyəcək.

Maliyyələşmənin dayandırılması Pentaqon və Daxili Təhlükəsizlik Nazirliyinə aiddir. Yüzminlərlə dövlət qulluqçusu ödənişsiz məzuniyyətə göndərilə bilər. İşə çıxanlar da hökumətin maliyyələşdirilməsi bərpa olunana qədər maaş almayacaqlar.