Maskın ABŞ hökumətində varlığı kimləri narahat edir? | Görünməmiş aksiya

ABŞ-nin paytaxtı Vaşinqton etiraz sədalarına bürünüb.

Daha dəqiq desək, Kolumbiya dairəsində bir qrup insan “Tesla” şirkətinin diler mərkəzinin yaxınlığına toplaşıb.

Bəzi etiraz lövhələrində İlon Maskın fotosu və “mən sizdən oğurlayıram” sözləri əks olunub.

Maraqlı məqamlardan biri odur ki, aksiyaçılar etirazlarını rəqs edərək ifadə ediblər. Ərazidən keçən avtomobillərdən isə siqnal verməkləri xahiş olunub.

Etirazçıların əsas narahatlığı İlon Mask və Donald Trampın yaxınlığıdır. Onların fikrincə, bu dostluq və qəbul edilən qərarlar Amerikadakı demokratiyanı, ümumiyyətlə, Birləşmiş Ştatların dünyadakı mövqeyini sarsıdır.

“Biz bu avtoritar rejimə qarşıyıq” kimi şüarlar da səsləndirilib. Vaşinqton sakinləri etiraz edən bir vaxtda D.Tramp və İ.Mask Filadelfiyada tələbələrin güləş çempionatına baxıb.