Əməkdaşlar ABŞ Müdafiə Nazirliyinin binasından təxliyə edildi

Pentaqonda binanın içərisində havanın keyfiyyəti ilə bağlı problemlər aşkar edildikdən sonra əməkdaşların bir hissəsi təxliyə edilib və bir sıra otaqlara giriş məhdudlaşdırılıb.

Bu barədə CNN Pentaqonun nümayəndəsi Şon Parnellə istinadən məlumat yayıb.

Onun sözlərinə görə, kompleksin sistemləri havanın keyfiyyətinin pisləşdiyini qeydə alıb, bununla əlaqədar olaraq hadisənin səbəbləri aydınlaşdırılana qədər ehtiyat tədbirlər görülüb.

“Nazirlik standart təhlükəsizlik protokollarını həyata keçirir, o cümlədən təsirlənən ərazidə olan şəxslərə olduqları yerdə qalmaları barədə göstəriş verilib. Reaksiya qrupları hadisə yerindədir və bina əməkdaşlarına dəstək göstərməyə hazırdır”, – deyə o əlavə edib.

İnsidentin başvermə şəraiti və havanın keyfiyyətinin pisləşməsinin ehtimal olunan səbəbi hələ müəyyən edilməyib. Faktla bağlı araşdırma aparılır.