Mənsur Yavaş və Özgür Özəl görüşdü | Seçkilərə namizədlik məsələsi əvəzinə...

Ankara Böyükşəhər Bələdiyyəsinin sədri Mənsur Yavaş CHP sədri Özgür Özəllə görüşüb.

“Milliyət” qəzeti xəbər verir ki, M.Yavaş görüşdə partiya daxilində yayılan “CHP-nin 2028-ci il prezident seçkiləri üçün namizədi indi müəyyən edilməli və o namizəd Əkrəm İmamoğlu olmalıdır” kimi fikirlərə mövqeyini açıq şəkildə ifadə edib.

Bələdiyyə sədri Ö.Özələ bildirib ki, partiya rəhbərliyi seçkilərə namizədlik məsələsi əvəzinə pensiyaçıların vəziyyətini gündəmə gətirməlidir.

“Bu gün pensiyaçıların, minimum əməkhaqqı alanların hüquqlarından, əhalinin vəziyyətindən danışmaq lazımdır. Partiya bu gün prezidentliyə namizədliyi müzakirə etməməli, ölkə gündəminə diqqət yetirməlidir. Bu məsələlər bizi yorar. Günü gələndə kimin namizəd olmaq istədiyini, kimin istəmədiyini, şərtlərin nəyi göstərdiyini danışacağıq.

Düşünürəm ki, bu gün namizədlik müzakirəsinə girmək düzgün olmaz. Hər kəs öz işi ilə məşğul olmalıdır. Məsələn, mən Ankarada uğur qazanmaq üçün nə edə biləcəyimi düşünürəm. Bir gün soruşsalar ki, namizəd kim olmalıdır, necə olmalıdır, necə müəyyən edilməlidir, onda fikrimi deyərəm”, – deyə partiya sədri bildirib.