Məşhur narkobaronun oğlu həbs edildi

Meksikada “El Çapo” ləqəbli məşhur narkobaron Xoakin Qusmanın oğlu Ovidio Qusman həbs olunub.

Yerli hakimiyyət orqanlarının yaydığı məlumata görə, Ovidionun həbsi ölkənin müxtəlif yerlərində qarşıdurmalara səbəb olub.

Sosial mediada zorakılıq səbəbi ilə günün əksər hissəsi bağlı qalan hava limanında yanan yük maşınları və oranın atəşə tutulması görüntüləri yayılıb. Bununla əlaqədar vətəndaşlara təhlükəsiz yerlərə sığınmaq tövsiyə edilib.