Minlərlə insanın həyatına son qoyan təbii fəlakətlər | Dəhşətə gətirən statistika

“Kamçatkadakı zəlzələ dünyada altı ən güclü yeraltı təkanlardan biri ola bilər”.

Bu, “The Washington Post”dakı məqalədə qeyd olunub.

Sadəcə, fəsad dəyərləndirmələrinə aylar sərf oluna bilər. Hələ ki, ən güclü zəlzələ 1960-cı ildə Çilidə 9,5 bal gücündə qeydə alınan silkələnmələrdir. Yeraltı təkanlardan sonra yaranan sunami 5700-ə qədər insanın ölümünə səbəb olub. Bu təkanlardan sonra sunami Havay adalarında 61, Filippində 21, Yaponiyada isə 122 nəfərin ölümünə gətirib çıxarıb.

Müşahidə olunan ikinci ən güclü zəlzələ 1964-cü ildə 9,2 bal gücündə Alyaskada qeydə alınıb. 139 nəfər həlak olub.

2004-cü ildə Sumatranı silkələyən 9,1 bal maqnitudalı təkanlar isə İndoneziya ilə yanaşı, Tailand və Şri-Lankada da fəsadlar yaradıb. Ümumilikdə 230 min insanın öldüyü və itkin düşdüyü açıqlanıb. Regiona 10 milyard dollardan çox ziyan dəyib.

2011-ci ildə Yaponiyada qeydə alınan 9,1 bal gücündə zəlzələ Fukusima atom elektrik stansiyasında qəzaya səbəb olub. 18 min insan ölüb, 6 mindən çox yaponiyalı yaralanıb.

Qeyd edək ki, beşinci ən güclü zəlzələ də 1952-ci ildə Kamçatkada qeydə alınan 9 ballıq yeraltı təkanlardır.