Nəqliyyat vasitələrinin qadağan olunduğu səssiz cənnət

Yaşadığımız dövrdə elə bir məkan düşünün ki, burada avtomobillərdən istifadə qadağandır. Hətta nə motosiklet var, nə də velosiped.

Fərz etmək çətin olsa da, söhbət Yunanıstanın valehedici adalarından biri olan Hidra adasından gedir.

Hidra adası Afinadan cəmi iki saatlıq bərə yolu ilə cənubda yerləşir və bu da onu paytaxtın səs-küylü küçələrindən uzaqlaşmaq üçün ideal bir günlük səfər nöqtəsinə çevirir.

Məhz Hidrada avtomobillərin olmaması bu heyrətamiz adanı fərqləndirən əsas səbəbdir. Bu qərar 1950-ci illərdə prezident fərmanı ilə qəbul olunub və adanın unikal memarlıq görünüşünün, eləcə də ənənəvi həyat tərzinin qorunmasına yönəlib.

Nəticədə sakit, vizual olaraq cəlbedici, cazibədar və aramlıq içində bir cənnət yaranmış olub. Adanın dik və dar küçələri avtomobilləri tamamilə qeyri-praktik edir. Bu səbəbdən yerli sakinlər əsasən uzunqulaqlardan istifadə edirlər, su taksiləri isə əsas nəqliyyat vasitələrindən biridir.