Neytral sular üzərində planlaşdırılmış uçuşlar həyata keçirilib

Rusiya Müdafiə Nazirliyi dekabrın 26-da məlumat yayaraq qeyd edib ki, "Tu-95MS" strateji bombardmançıları və raket daşıyıcı təyyarələri Barens və Norveç dənizlərinin neytral suları üzərində planlaşdırılmış uçuş tapşırığını yerinə yetirib.

Uçuş yeddi saatdan çox davam edib, strateji bombardmançılar Rusiya Hərbi Dəniz Qüvvələrinə məxsus "Su-33" qırıcıları tərəfindən müşayiət olunub.

Nazirliyin məlumatına görə, uçuşun bəzi mərhələlərində xarici qırıcı təyyarələr də bombardmançıları müşayiət edib.

Polşa Ordusundan bildirilib ki, həmin gün onlara məxsus hava hücumundan müdafiə qüvvələri Baltik dənizi üzərində, Polşa hava məkanına yaxın uçuş həyata keçirən Rusiya kəşfiyyat təyyarələrini qarşılayıb.

Eyni zamanda NATO ölkələrinin qırıcıları da Rusiya bombardmançılarının uçuşunu izləyib və müəyyən mərhələlərdə onları müşayiət edib.

Bəzi mətbuat orqanlar yazıb ki, Britaniya və digər NATO ölkələri bu cür hərəkətləri hərbi təzyiq və gərginlik siqnalı olaraq da qiymətləndirə bilər.