Pleyeri seçin:
Odessada Zelenski və Yunanıstanın Baş nazirinin avtomobil karvanına hücum edildi
Yunanıstanın Baş naziri Kiriakos Mitsotakis və Ukrayna Prezidenti Volodimir Zelenski Odessa şəhərinə səfər edərkən əraziyə raket zərbəsi endirilib.
Bu barədə Yunanıstan mətbuatı məlumat yayıb.
Bildirilib ki, Ukrayna Prezidenti Volodimir Zelenskinin avtomobil karvanı hədəfə alınıb. Partlayış Baş nazir K.Mitsotakisin başçılıq etdiyi Yunanıstan nümayəndə heyətindən 150 metr aralıda baş verib.
Məlumata görə, Yunanıstan nümayəndə heyətinin üzvlərindən heç biri xəsarət almayıb. Ukrayna Prezidenti isə hələlik bütün təfərrüatları bilmədiyini, amma ölənlər və yaralıların olduğunu qeyd edib. Avropa İttifaqının rəsmiləri isə bu hücuma kəskin reaksiya veriblər.
Kopyalandı
Seçilmişlər
