Ölənlər və xəsarətalanlar var

Seysmoloqlar Meksikada 6,5 maqnitudada zəlzələdən sonra 900-dən çox “afterşok” qeydə alıblar.

Ölkənin Milli Seysmoloji Xidmətinin məlumatına görə, yanvarın 2-si saat 20:00 radələrinə olan məlumata görə, Herrero ştatının San-Markos rayonunda baş verən 6,5 maqnitudada zəlzələdən sonra 936 “afterşok” qeydə alınıb.

Bildirilir ki, ən güclü “afterşok” 4,7 maqnitudada olub. Seysmik aktivliyin monitorinqi davam edir.

Ştatın qubernatoru Evelin Salqado vurğulayıb ki, Herreroda 50 yaşlı bir qadın yeraltı təkanlar zamanı evinin uçması nəticəsində ölüb.

Yerli mediada həmçinin yazılır ki, 67 yaşlı bir kişi Mexiko şəhərində binadakı mənzilindən çıxmağa çalışarkən pilləkənlərdən enəndə ölüb.

Əsas zəlzələnin ilkin maqnitudası 6,5 olub. Episentr Herreronun San-Markos şəhərindən 15 kilometr cənub-qərbdə, ocağı təxminən 10 kilometr dərinlikdə yerləşib. Mexiko şəhərində baş verən zəlzələ nəticəsində 12 nəfər xəsarət alıb. Hökumət rəsmiləri Herrero ştatı ətrafındakı magistral yollarda torpaq sürüşmələri, qaz sızmalarının olduğunu, evlərə, ictimai binalara və xəstəxanalara ziyan dəydiyini bildiriblər.