Pleyeri seçin:
Oman körfəzində ABŞ helikopteri ilə bağlı insident yaşandı - Baku TV
ABŞ hərbi helikopteri Oman körfəzində, Pakistan sahillərindən təxminən 71 dəniz mili aralığında Panama bayrağı altında üzən gəmiyə atəş açıb.
Bu barədə “The Wall Street Journal” ABŞ rəsmisinə istinadən məlumat yayıb.
Qeyd olunub ki, gəminin heyəti İran limanlarına tətbiq edilən hərbi-dəniz blokadanı həyata keçirən hərbçilərin xəbərdarlıqlarına məhəl qoymayıb. Bundan sonra ABŞ hərbi helikopteri gəminin sükan qurğusuna atəş açıb.
Hadisə nəticəsində xəsarət alan və ya ölənlər barədə ilkin məlumat yoxdur. Bildirilir ki, hücumdan sonra gəmi heyətini başqa bir mülki gəmiyə təxliyə ediblər.
Daha əvvəl Böyük Britaniya Hərbi Dəniz Qüvvələri nəzdində Dəniz Ticarət Yükdaşımalarının Koordinasiya Mərkəzi Oman körfəzində, Pakistan sahillərində konteyner gəmisi və hərbçilərin iştirakı ilə baş vermiş insident barədə məlumat verib.
Kopyalandı
Seçilmişlər
