Özbəkistanda sərxoş vəziyyətdə Trampı şikayət edən şəxs cərimələndi
Daşkənddə yerli məhkəmə sərxoş vəziyyətdə ABŞ Prezidenti Donald Tramp barədə polisə şikayət edən Özbəkistan vətəndaşı haqqında hökm çıxarıb.
O, xüsusi xidmətlərə yalan zəng maddəsi üzrə 1,23 milyon özbək somu (təxminən 100 dollar) məbləğində cərimələnib.
İş materiallarına görə, kişi Daşkənd Polis Baş İdarəsinə zəng edərək Donald Tramp barədə şikayət etmək istədiyini bildirib. O, polisə ABŞ liderinin Venesuela Prezidenti Nikolas Maduronu oğurladığını deyib. Növbətçi polis əməkdaşı ona sənədlərin tərtibi üçün yaxın polis bölməsinə gəlməyi təklif edib, amma zəng edən ora getməyib.
Məhkəmə iclasında təqsirləndirilən şəxs tam olaraq günahını etiraf edib. O bildirib ki, sərxoş vəziyyətdə olub, zəngin məzmununu xatırlamır və bu hərəkətinin mümkün nəticələrini dərk etməyib. Məhkəmə kişiyə pul cəzası təyin edib.
#Donald Tramp teqi istifadə olunub
- “Düşünürdüm ki, bu, həll edilməsi ən asan müharibə olacaq” | Tramp
- Donald Tramp yayılan iddialara cavab verdi - Baku TV CANLI
- ABŞ MKİ-nin direktoru İranın nüvə sazişinə əməl edəcəyinə şübhə edir
- Ağ Ev lideri Prezident Emmanuel Makronu hədələdi
- Azərbaycanda Məhərrəm ayı başlayıb | Tramp sazişin imzalanmasından danışdı - YENİ BİR SƏHƏR
