Pandemiya əvvəlcədən planlaşdırılmışdı? - Maskdan COVID-19-la bağlı rezonans yaradan çıxış - Baku TV

Amerikalı sahibkar İlon Mask COVID-19 virusunun meydana çıxmasında Amerika Birləşmiş Ştatlarının mərkəzi rol oynadığını iddia edib.

O bu barədə "X" sosial şəbəkəsində Uhan Virusologiya İnstitutunun maliyyələşdirilməsi ilə bağlı paylaşımı şərh edərkən yazıb.

"ABŞ Beynəlxalq İnkişaf Agentliyinin (USAID) maliyyələşdirilməsi COVID-19-un yaradılmasında mərkəzi rol oynayıb", – deyə Mask bildirib.

Bundan əvvəl isə istifadəçi 2025-ci ilin iyulunda fəaliyyətini dayandırmış USAID-in Çinin Uhan Virusologiya İnstitutuna 53 milyon dollar ayırdığını iddia edib.

Qeyd edək ki, iyunun 12-də ABŞ Milli Kəşfiyyatının direktoru Tulsi Qabbard bəyan edib ki, ABŞ hökuməti Ukraynada və daha onlarla ölkədə təhlükəli patogenlərlə işləyən biolaboratoriyaları dəstəkləyib. Onun sözlərinə görə, söhbət 30-dan çox ölkədə fəaliyyət göstərən 120-dən artıq biolaboratoriyadan gedir.