Putin mənimlə iş görmək istəmir | Trampdan Rusiya Prezidentinə cavab

ABŞ-nin sabiq prezidenti Donald Tramp seçki kampaniyalarını davam etdirir.

O, bu dəfə ölkənin Cənubi Karolina ştatında keçirilən tədbirdə tərəfdarları ilə bir araya gəlib. Bir çox məsələlərdən danışan Tramp çıxışı zamanı Rusiya Prezidenti Vladimir Putinin onun barəsində söylədiyi fikirlərə də münasibət bildirib.

“Putin mənimlə iş görmək istəmir, o, Baydeni istəyir. Çünki Bayden hakimiyyəti ona Ukrayna da daxil olmaqla istədiyi hər şeyi verəcək. Bu isə onun üçün sözün əsl mənasında hədiyyə olacaq. Onun arzusu Bayden vasitəsilə reallaşacaq, Putin Ukraynanı tamamilə ələ keçirəcək. Bu isə qəti şəkildə yolverilməzdir”, – deyə o qeyd edib.