Putinin yeni silahlanma proqramı gündəm yaratdı

Rusiya Prezidenti Vladimir Putin Kollektiv Təhlükəsizlik Müqaviləsi Təşkilatında (KTMT) hərbi potensialın gücləndirilməsinin vacibliyini vurğulayıb.

Onun sözlərinə görə, təşkilatın gələcək təhlükəsizlik arxitekturasında aviasiya qüvvələrinin genişləndirilməsi və müasir hava hücumundan müdafiə sistemlərinin inkişafı əsas prioritetlərdən biri olmalıdır.

Putin həmçinin KTMT ölkələrinin birgə təhlükəsizlik imkanlarını gücləndirmək üçün kütləvi silahlandırma proqramının başladılmasını təklif edib:

“KTMT qüvvələrinin, xüsusilə də özünü döyüşlərdə təsdiqləmiş Rusiya silahları ilə genişmiqyaslı təchizatı vacibdir".

Kremlin təklifinə görə, təşkilata üzv ölkələr rus ordusunun real döyüşlərdə sınaqdan keçmiş silah və texnikalarını daha sürətli və böyük həcmdə əldə etməlidir. Bu həm döyüş hazırlığını artırmaq, həm də KTMT daxilində vahid standart yaratmaq məqsədi daşıyır.