Pleyeri seçin:
Qalmaqallı hadisədən sonra Macarıstan prezidenti vəzifədən getdi
Macarıstan Prezidenti Katalin Novak pedofiliya cinayətində əli olan şəxsin əfv olunması ilə bağlı qalmaqal fonunda istefa verdiyini açıqlayıb.
K.Novak milli televiziyada çıxışı zamanı səhvini etiraf edib. O bildirib ki, prezident kimi Macarıstan vətəndaşlarına müraciət etdiyi son gündür.
Macarıstanın bütün müxalifət partiyaları K.Novakın istefasını tələb edib.
Qeyd edək ki, əfv olunan şəxs Biçka şəhərindəki uşaq evinin direktor müavinidir. O, şantaj yolu ilə bir neçə uşağı Papanın ziyarəti bəhanəsi ilə pedofil direktoruna qarşı ifadələrini geri götürməyə məcbur edib. 26 ildir uşaq evinə rəhbərlik edən Yanoş V. 2004-2016-cı illərdə azı on yetkinlik yaşına çatmayan oğlan uşağına seksual zorakılıq tətbiq edib.
Kopyalandı
