Pleyeri seçin:
Qara dənizdə Rusiyaya məxsus gəmidə partlayış olub
Bosfor boğazı yaxınlığında üzən “Kairos” tankerinin maşın şöbəsində partlayış baş verib və yanğın başlayıb.
Məlumata əsasən, hadisə Türkiyənin Bosfor boğazının şimalında qeydə alınıb.
Qambiya bayrağı altında üzən və ballast vəziyyətində olan tanker hadisə zamanı boğazdan təxminən 52 mil şimalda hərəkətdə olub.
Olay yerinə xilasedicilər və sahil mühafizə bölmələri göndərilib. Bosfor boğazında gəmilərin hərəkətində problem yaranmayıb.
Türkiyə Dənizçilik İdarəsi hadisə ilə bağlı açıqlama yayıb. Rusiyanın Novorossiysk limanına gedən boş “Kairos” tankerinin xarici faktor səbəbindən alovlandığı, gəmidə olan 25 nəfərlik heyət üzvünün hamısının təxliyə edildiyi və vəziyyətinin yaxşı olduğu vurğulanıb.
“Habertürk”ün məlumatına görə, tankerin minaya toxunaraq partladığı ehtimal olunur.
Kopyalandı
Seçilmişlər
