Qeyri-adi aksiyaya müraciət sayı 2 mini keçib
Çinin Szyansu əyalətində artıq çəki ilə mübarizə məqsədilə qeyri-adi aksiya başlayıb.
Belə ki, hər 0,5 kiloqram arıqladıqları çəkiyə görə mükafat kimi sakinlərə mal dili, quyruğu və heyvanın digər hissələrinin verilməsi təklif olunub.
Bu barədə “South China Morning Post” (SCMP) məlumat yayıb.
Məlumata görə, martın 9-dan etibarən Usi şəhərinin Lyanşi rayonunun Şanbey icması sosial şəbəkələrdə sağlam həyat tərzinin təşviqi məqsədilə yaradıcı kampaniyaya start verib və artıq 2400-dən çox şəxsin müraciət etdiyi bildirilib.
“Artıq çəkini mal əti ilə dəyiş” proqramının şərtlərinə əsasən, iştirakçıların həqiqətən artıq çəkidən əziyyət çəkdiyi sübut olunmalıdır. Bununla yanaşı, yalnız həmin regionda sosial sığorta və ya tibbi sığorta ödəyən sakinlər müraciət edə bilərlər.
Belə ki, müraciət edən kişilərdə bel çevrəsi 90 sm, qadınlarda isə 80 sm-dən çox olmamalıdır. Çəki atmaq üçün iştirakçılara 9 ay vaxt verilir. Qaydalara görə, itirilən hər 0,5 kq çəki müqabilində sakinlərə 0,5 kq mal əti və ya 1,5 kq sümük hədiyyə edilir. Maksimum 10 kq çəki mübadiləsi mümkündür və əsas tələb arıqlama prosesinin tamamilə təbii yollarla aparılmasıdır.
Bu təşəbbüs Çində son illər sürətlə artan artıq çəki problemi ilə mübarizə tədbirlərinin bir hissəsi kimi qiymətləndirilir.
#Çin teqi istifadə olunub
- Çinlə heç bir problemimiz yoxdur | Donald Tramp - Baku TV
- Britaniya məhkəməsi bu məmuru Çin kəşfiyyatı ilə əməkdaşlıqda günahkar bilir
- İran Çinin təklif etdiyi 4 əsas şərti qəbul etdi: ABŞ-nin şərtlərinə nə deyəcək? - AKTUAL GÜNDƏM
- ABŞ və Çin liderləri süni intellektlə bağlı nələri müzakirə edəcəklər?
- ABŞ və Çin arasında böyük bazarlıq: İran və Rusiya əsas mövzu olur? - AKTUAL GÜNDƏM
