Qiyam zamanı gözə görünməyən Şoyqu vəzifədən gedə bilər

26 iyun 2023 163 baxış

Rusiya müdafiə naziri, ordu generalı Sergey Şoyqu istefaya göndərilə bilər. Bu iddia ilə ABŞ-nin Müharibə Araşdırmaları İnstitutu çıxış edib.

Bildirilib ki, Belarus Prezidenti Aleksandr Lukaşenko ilə “Vaqner” muzdlu hərbi təşkilatının rəhbəri Yevgeni Priqojin arasında razılaşma birmənalı olaraq Müdafiə Nazirliyinə təsir edəcək.

Amerikalı analitiklər iddia edirlər ki, Rusiyanın Xüsusi Əməliyyat Qüvvələrinin keçmiş rəhbəri, təhlükəsizlik orqanlarının sabiq zabitlərindən biri S.Şoyqunun yerinə təyin edilə bilər, lakin onun adı açıqlanmayıb.

Qeyd edək ki, iyunun 26-da Sergey Şoyqu “Vaqner”in silahlı qiyamından sonra ilk dəfə üzə çıxıb. Rusiya Müdafiə Nazirliyi onun vəzifə başında görüntülərini yayıb.

Qeyd olunub ki, o, xüsusi əməliyyat zonasında komanda məntəqələrindən birinə gedib və yoxlamalar aparıb. Nazir orduya Ukrayna Silahlı Qüvvələrinin planlarını əvvəlcədən aşkarlamaq və qabaqlayıcı tədbirlər görmək barədə tapşırıq verib.

#Rusiya Ordusu