Qız qumun altında can verdi | Çimərlikdə ağlasığmaz hadisə
ABŞ-nin Florida ştatında bədbəxt hadisə baş verib.
5-7 yaşlarında olduğu güman edilən qız sahildə təxminən 2 metr dərinliyində xəndək qazıb. Lakin xəndək çöküb və qız qumun altında qalıb. Yanındakı 7 yaşlı oğlan uşağı isə sinəsinə qədər torpağa batıb.
Xilasedicilər və yerli sakinlər dərhal yardım etməyə çalışsalar da, qızın həyatını xilas etmək mümkün olmayıb. Oğlanın vəziyyəti isə stabil olaraq qiymətləndirilir. Qızcığazın qumun altında nə qədər qaldığı qeyri-müəyyən olaraq qalır.
Bununla bağlı yayılan videoda xilasetmə xidməti işçilərinin sağ qalan oğlan uşağını çuxurdan çıxararaq təcili apardıqlarını əks etdirən kadrlar yer alıb. Uşaqların yerli sakinlər, yoxsa çimərliyə gələn turistlər olduğu məlum deyil. Hadisə ilə bağlı araşdırma davam edir.
![icon](/images/loading.png)