Pleyeri seçin:
Qlobal temperaturda rekord artım gözlənilir | Həyəcan təbili çalındı
Ümumdünya Meteorologiya Təşkilatının yeni hesabatına görə, yaxın beş ildə temperaturun rekord həddə çataçağı proqnozlaşdırılıb.
Bu barədə "The Guardian" nəşri ekoloqların araşdırmalarına istinadən məlumat verib.
Hesabat qısamüddətli müşahidələr və uzunmüddətli proqnozlardan əldə edilən məlumatları birləşdirib.
Mütəxəssislərin qənaətinə görə, 2025-2029-cu illərdə orta beşillik temperaturun sənayedən əvvəlki səviyyədən 1,5 dərəcədən çox olacağı ehtimalı 70 faiz təşkil edir.
Hesabatda diqqətə çatdırılıb ki, isinməyə səbəb olan hər əlavə dərəcə daha dağıdıcı isti hava dalğalarına, ekstremal yağıntı hadisələrinə, şiddətli quraqlıqlara, buz təbəqələrinin, dəniz buzlarının və buzlaqların əriməsinə, okeanların isinməsinə və dəniz səviyyəsinin qalxmasına gətirib çıxaracaq.
Kopyalandı
#Qlobal istiləşmə teqi istifadə olunub
Seçilmişlər
