"Neftçi" klubu yeni transferini açıqlayıb

“Neftçi” klubu yeni transferini açıqlayıb.

“Ağ-qaralar” qambiyalı hücumçu Dembo Darbonu heyətə qatıblar.

Paytaxt təmsilçisindən verilən rəsmi məlumata əsasən, 26 yaşlı futbolçu ilə 2 illik müqavilə imzalanıb. Dembo yeni komandasında 22 nömrəli forma ilə çıxış edəcək.

Qeyd edək ki, D.Darbo son olaraq Birləşmiş Ərəb Əmirliklərinin “Əl-Nəsr” kollektivində top qovub. 2022-ci ildən Dubay klubuna məxsus olan oyunçu 14 görüşdə meydana çıxıb və 4 qolla yadda qalıb. Müxtəlif vaxtlarda Şimali Makedoniyanın “Şkupi”, Belarusun “Şaxtyor Soliqorsk”, eləcə də Qazaxıstanın “Astana” və “Ordabaşı” komandalarında forma geyinən Dembo ümumən karyerası ərzində 168 matçda iştirak edib və 63 qolla yadda qalıb.