"Vaqner" rəhbərindən gözlənilməz etiraf

Rusiyanın “Vaqner” muzdlu hərbi təşkilatının rəhbəri Yevgeni Priqojin ölkənin müdafiə naziri Sergey Şoyqunu və Baş Qərargah rəisi Valeri Gerasimovu tənqid edib.

“Orduda 70% silah-sursat çatışmazlığı var” deyən təşkilatın rəhbəri Müdafiə Nazirliyindən lazımi döyüş sursatları ilə təmin olunmalarını tələb edib. Qeyd edib ki, Rusiya Ordusu 100% sursatla təmin edilsə, “Vaqner”in itkiləri indikindən 5 dəfə az olar.

“Elementar hesablamalar var – kifayət qədər silah-sursat versəniz, ölənlərin sayı qat-qat az olar. Müharibədə həlak olanlar kiminsə ataları, kiminsə oğullarıdır. Onlar könüllü olaraq döyüşə qatılıblar, sizin məsuliyyətsizliyinizə görə isə həlak olurlar”, – deyə Yevgeni Priqojin Şoyquya və Gerasimova müraciətində bildirib.