Qustav Klimt potretdə kimi təsvir edib?

Məşhur avstriyalı rəssam Qustav Klimtin “Elizabet Ledererin portreti” adlı əsəri Nyu-Yorkda keçirilən hərracda 236,4 milyon dollara satılıb.

Bu barədə satışı gerçəkləşdirən "Sotheby's" hərrac evi məlumat yayıb.

Məlumata görə, bu tablo indiyədək hərracda satılan ən bahalı müasir incəsənət əsəri olub.

Təşkilatçılar əvvəlcə tablonun 150 milyon dollardan baha satılmayacağını gözləsələr də, rekord qiymət hər kəsi heyrətləndirib.

1914-1916-cı illər arasında çəkilmiş “Elizabet Ledererin portreti” Qustav Klimti dünyanın ən məşhur sənərkarları arasında seçilənlərdən edib.

Rəsmdə Q.Klimtin yaradıcılığını dəstəkləyən varlı himayədarların qızı Elizabet Lederer təsvir edilir. Gənc qadının portreti tipik naxışlarla bəzədilmiş yüngül bayram paltarında çəkilib.

Hərraca Q.Klimtin bu əsəri ilə yanaşı, digər əsərləri, həmçinin Edvard Manç, Pikasso, Van Qoq və Henri Matissenin də əsərləri çıxarılıb.