Rəsmi Tehran uranın zənginləşdirilməsi ilə bağlı suallara aydınlıq gətirdi - Baku TV

15 fevral 2026 24 baxış

"ABŞ sanksiyaların ləğvini müzakirə etməyə razılaşsa, İran nüvə sazişi bağlamaq üçün kompromisə hazırdır".

Bunu İranın xarici işlər nazirinin müavini Məcid Taxt-Ravançi BBC-yə müsahibəsində bildirib.

O, İranın 2015-ci ildəki nüvə sazişi çərçivəsində edildiyi kimi, 400 kq-dan çox yüksək zənginləşdirilmiş uranı ölkədən çıxarmağa razılaşıb-razılaşmayacağı sualına da cavab verib. Nazir müavinin sözlərinə görə, danışıqlar zamanı nə baş verəcəyini söyləmək hələ tezdir.

Məcid Taxt-Ravançi bir daha təkrar edib ki, uranın sıfır zənginləşdirilməsi məsələsi və ballistik raketlərin istehsalı müzakirə predmeti deyil.

"Belə başa düşürük ki, onlar bu qənaətə gəliblər ki, saziş bağlamaq üçün nüvə probleminə diqqət yetirmək lazımdır", – deyə nazir müavini əlavə edib.

O sonda bildirib ki, indi ABŞ sövdələşmə istəyini sübut etməlidir. Məcid Taxt-Ravançin fikrincə, əgər onlar səmimi olsalar, razılığa gəlmək mümkün olacaq.

#ABŞ