Rusiyada bu ölkələrlə bağlı önəmli qərar verildi
Rusiya Prezidenti Vladimir Putin Çin və Səudiyyə Ərəbistanı vətəndaşlarının Rusiyaya daxil olması və Rusiyadan çıxması üçün müvəqqəti giriş və çıxış prosedurları haqqında fərman imzalayıb.
Sənəd hüquqi informasiya portalında dərc edilib.
Fərmana əsasən, 14 sentyabr 2026-cı il tarixinədək Çin vətəndaşlarının Rusiyaya daxil olmaq, qonaq qismində və ya işgüzar səfərlə bağlı, ölkədə 30 gündən çox olmayaraq qalmaq, eləcə də Federasiyadan tranzit keçidi etmək üçün adi Çin vətəndaşının pasportu əsasında vizasız giriş-çıxış hüququ var.
Fərmanda vurğulanır ki, bu qaydalar qarşılıqlılıq prinsipi nəzərə alınmaqla tətbiq olunur.
Eyni zamanda bu fərmanla müəyyən edilmiş giriş və çıxış prosedurları Rusiyaya iş məqsədləri, o cümlədən jurnalist fəaliyyəti, təhsil almaq, Rusiyada yaşamaq və ya beynəlxalq avtomobil daşımaları həyata keçirmək və ya tərcüməçi kimi bu cür nəqliyyat vasitələrini müşayiət etmək üçün daxil olan Çin vətəndaşlarına şamil edilmir.
Fərman bu gündən qüvvəyə minib.
#Vladimir Putin teqi istifadə olunub
- Madyardan Putinə açıq mesaj | Ölkə Aİ və NATO-nun müttəfiqinə çevriləcək? - Baku TV
- İran və Rusiya prezidentləri arasında telefon danışığı olub - Baku TV
- Rusiya Donbası necə ələ keçirmək istəyir? | Zelenskidən açıqlama - ANA XƏBƏR
- Rusiya-Ukrayna müharibəsində kritik an | Putin və Zelenskidən təcili tapşırıq - Baku TV
- Gərgin keçən son görüşdən sonra Paşinyan yenidən Moskvaya səfər edəcək - Baku TV CANLI
