Rusiyadan Alla Puqaçovaya ağır ittiham

Rusiyada məhşur müğənni, SSRİ-nin Xalq artısti Allah Puqaçova Qərbə casusluqda günahlandırılıb.

Belə ki, ölkənin Təhlükəsizlik və Korrupsiyaya qarşı Mübarizə üzrə Federal Layihənin rəhbəri Vitali Borodin NTV telekanalında yayımlanan "Görüş yeri" verilişində Alla Puqaçovanı Qərbin xüsusi xidmət orqanlarına işləməkdə günahlandırıb. O, sənətçidən başqa rep ifaçısı Morqenşternin, videobloger və jurnalist Yuri Dudun da adlarını qeyd edib.

"Bizdə olan məlumata görə, bu insanlar Qərb kəşfiyyat orqanlarına işləyirlər" deyən Borodin vurğulayıb ki, o, Puqaçovanın Qərb ölkələri ilə əlaqəsini sübut edəcək rəsmi sənədləri gözləyir.

“Bir az gözləyin, biz sizə Alla Puqaçova, Morqenştern və Dudun əməkdaşlığı ilə bağlı bütün həqiqəti deyəcəyik. Bu adamlar bütün bu illər ərzində Rusiyada kimlərə işləyiblər və niyə məhz ölkəmiz üçün çətin məqamda qaçıblar? Ümid edirəm ki, hamınız bunun hansı səbəbə görə deyildiyini başa düşəcəksiniz”, - deyə Təhlükəsizlik və Korrupsiyaya qarşı Mübarizə üzrə Federal Layihənin rəhbəri bildirib.