SEPAH rəsmisindən iddialı açıqlama

İranın ali dini lideri Ayətullah Əli Xameneyinin HƏMAS hərəkatının Siyasi Bürosunun rəhbəri İsmayıl Haniyənin Tehranda öldürülməsinə görə İsraili cəzalandırmaq əmri yerinə yetiriləcək.

Bunu İran İslam İnqilabı Keşikçiləri Korpusunun komandirinin müavini, kontr-admiral Əli Fədavi deyib.

“Ali rəhbərin İsraili sərt şəkildə cəzalandırmaq və şəhid İsmayıl Haniyənin qanının qisasını almaq əmri aydındır və birmənalıdır. Onun əmrləri ən yaxşı şəkildə yerinə yetiriləcək, bu, İranın borcudur”, – deyə SEPAH rəsmisi bildirib.