Sərnişin dolu avtobus girov götürüldü | Avtovağzalda dəhşətli anlar

Bir nəfər Braziliyanın cənub-şərqindəki Belo Horizonte şəhərinə gedən avtobusda sərnişinləri girov götürüb.

Hadisə Rio-de-Janeyro avtovağzalında baş verib. 20-yə yaxın şəxsin girov götürüldüyü bildirilir.

Polis avtovağzalı mühasirəyə alıb. Xüsusi hərbi polis bölməsinin üzvləri həmin şəxslə danışıqlara başlayıb.

Aparılan əməliyyat tədbirləri nəticəsində təcavüzkar polisə təslim olub, avtobusda girov saxlanılanlar azad edilib, 2 nəfər isə yaralanıb.

Zərərçəkənlər güllə yarası alıb. Hadisənin dəqiq səbəbi hələ ki məlum deyil.