Tacikistanda ardıcıl zəlzələlər əhalini qorxuya saldı

Daha bir ölkədə güclü zəlzələ baş verib. Avropa-Aralıq dənizi Seysmoloji Mərkəzinin yaydığı məlumata görə, bu dəfə yeraltı təkanlar Tacikistanı silkələyib.

Belə ki, martın 23-də bu ölkədə 5,1 bal gücündə zəlzələ olub. Zəlzələnin episentri 144 min insanın yaşadığı Xucənd şəhərindən 96 km cənub-şərqdə, ocağı isə 8 km dərinlikdə qeydə alınıb. Tələfat və dağıntılar barədə məlumat yoxdur.

Xatırladaq ki, martın 9-da ölkədə 4,1, daha sonra 4,8 və sonda 5,7 bal gücündə silsilə zəlzələlər qeydə alınıb.