Teylor Sviftlə Trevis Kelsinin toyuna xərclənən vəsaitin miqdarı məlum oldu

Amerikalı müğənni Teylor Svift Trevis Kelsi ilə "Medison Skver Qarden" arenasında keçirilən toyuna icazə verilməsi üçün Nyu-York administrasiyasına 160 min dollardan çox vəsait ödəyib.

Bu barədə Nyu-York rəhbərliyi açıqlama verib.

İcazə sənədinə küçələrin bağlanması, əlavə polis əməkdaşlarının cəlb edilməsi, toy şənliyinin keçirildiyi məkana bitişik ərazilərdə çəpərlərin qurulması və digər təşkilati işlər daxil olub. Ödənilən məbləğə həmçinin polis əməkdaşlarının əlavə iş saatlarının haqqı da daxil edilib.

Xatırladaq ki, Teylor Svift və Trevis Kelsinin toyu iyulun 2-3-də "Medison Skver Qarden"in qapalı arenasında ciddi məxfilik şəraitində baş tutub. Mərasimin ilk günü 100 nəfərlik qonaq üçün nahar təşkil olunub. İkinci gün isə şou-biznes ulduzları və məşhurlar da daxil olmaqla, minə yaxın dəvətli qonaq toplaşıb. Kütləvi İnformasiya Vasitələrinin qiymətləndirmələrinə görə, bütün təntənəli mərasim ümumilikdə 30-50 milyon dollara başa gəlib.