Dünya
Pleyeri seçin:
Tramp və xanımı ABŞ-də keçirilən prezident seçkilərində iştirak etdi
ABŞ-də Respublikaçılar Partiyasından prezidentliyə namizəd Donald Tramp prezident seçkisində səs verib.
O, Florida ştatının Palm-Biç şəhərindəki seçki məntəqəsində səsvermə hüququndan istifadə edib.
Siyasətçi xanımı Melaniya ilə birlikdə seçki məntəqəsinə gəlib. Səsvermədən sonra D.Tramp seçkidə böyük qələbə qazanacağına ümid etdiyini bildirib.
Qeyd edək ki, ABŞ-də növbəti seçkilər keçirilir. Seçkilərdə prezident, vitse-prezident, Senatın üçdə biri və Konqresin Nümayəndələr Palatasının bütün üzvləri, həmçinin 11 ştatın və 2 ərazinin qubernatorları seçiləcək.
Respublikaçı namizəd Donald Tramp və ABŞ-nin hazırkı hakim Demokrat Partiyasını təmsil edən Kamala Harris dövlət başçısı postuna iddialıdırlar.
Donald Tramp ABŞ-nin 45-ci prezidenti olub və 2017-2021-ci illərdə vəzifədə olub. O, 2020-ci il prezident seçkilərində Demokrat Co Baydenə məğlub olub. Kamala Harris isə 2021-ci ilin yanvarından ABŞ-nin vitse-prezidentidir.
Kopyalandı
Seçilmişlər
