Trampdan sensasiyalı xəbərdarlıq | ABŞ lideri kimləri tənqid etdi? - Baku TV

ABŞ Prezidenti Donald Tramp ölkənin müdafiə sənayesi müəssisələrinin silah istehsalını çox ləng həyata keçirdiyini bildirib.

Bu barədə Ağ Ev rəhbəri “Truth Social” sosial şəbəkəsində paylaşım edib.

O qeyd edib ki, müdafiə sənayesi zavodları hərbi texnikanı lazımi sürətlə istehsal və onun xidmətini təmin etmədiyi üçün dividend ödənişlərini və səhmlərin geri alınmasını qadağan edəcək. Tramp həmçinin müdafiə sənayesində top-menecerlərin yüksək maaşlarını əsassız adlandırıb.

“Bu rəhbərlər yeni və müasir istehsal müəssisələri qurmalı, həm vacib avadanlığın təchizatı və xidmətini, həm də gələcəyin ən yeni hərbi texnika modellərinin yaradılmasını təmin etməlidirlər. O vaxta qədər heç bir top-menecerin 5 milyon dollardan çox qazanmasına icazə verilməməlidir”, – deyə o qeyd edib.

Trampın sözlərinə görə, ABŞ Silahlı Qüvvələrinin və müttəfiqlərinin həyati əhəmiyyətli avadanlıqla təmin olunması üçün istehsalın sürətləndirilməsi vacibdir.