Trampın yeritdiyi bu siyasət bir sıra ölkələri hərəkətə keçirdi

Prezident Donald Trampın tarifləri artırmaqla bağlı ticarət siyasəti ABŞ-nin tərəfdaşlarını Vaşinqtondan daha çox təbii qaz almağa məcbur edəcək.

Bu məlumatla “Bloomberg” çıxış edib.

Agentlik qeyd edir ki, Hindistan, Küveyt və Yaponiyanın rəsmiləri və enerji şirkətlərinin rəhbərləri ABŞ-dən təbii qazın alışının artırılması ilə bağlı danışıqlar aparır.

Həmçinin Cənubi Koreya və Vyetnam ABŞ-da məhsullarına mümkün tarif artımından qaçmaq üçün Amerika enerji məhsullarının idxalını artırmağı nəzərdən keçirir.

Qeyd edək ki, Tramp müttəfiqlər, o cümlədən Avropa İttifaqı ölkələri də daxil olmaqla, heç kimə istisna tanımadan xarici mallara 10 faizə qədər idxal rüsumları tətbiq etmək niyyətindədir. Aİ-dən isə ABŞ neft-qazının alışlarını artırmaqla qarşılıqlı ticarətdəki kəsiri aradan qaldırmağı tələb edib, əks halda, rüsum tətbiq edəcəyini bildirib.

Avropa Komissiyasının sədri Ursula fon der Lyayen Aİ-nin tariflərdən qaçmaq üçün daha çox Amerika maye qazını almağı öhdəliyini nəzərdən keçirdiyini açıqlayıb. Fevralın 24-dək Avropa Komissiyası Rusiyaya qarşı 16-cı sanksiyalar paketini qəbul etmək niyyətindədir. Bildirilir ki, paketdə Rusiya maye qazının alışının qadağan olunması da var. Bu, Avropa ölkələrinin ABŞ-dən daha çox qaz almasına təkan verəcək.