Trampla Si Cinpin arasındakı görüşdə diqqətçəkən məsələ
ABŞ Prezidenti Donald Trampla Çin sədri Si Cinpin arasında Pekində keçirilən danışıqlarda Tayvan məsələsi əsas mövzulardan biri olub.
Si Cinpin Tayvan məsələsində yanlış addımların ABŞ-Çin münasibətlərini ciddi böhrana sürükləyə biləcəyi barədə xəbərdarlıq edib.
Məlumata görə, Donald Tramp və Si Cinpin ABŞ Prezidentinin Çinə iki günlük dövlət səfərinin son günündə yenidən görüşəcəklər.
ABŞ lideri sosial şəbəkədə paylaşım edərək Çinlə münasibətlərin əvvəlkindən daha güclü olacağına ümid etdiyini bildirib. Donald Tramp “Fox News” telekanalına müsahibəsində isə Si Cinpini “tam şəkildə işinə fokuslanan” lider kimi xarakterizə edib.
Danışıqlarda ticarət məsələləri də müzakirə olunub. ABŞ nümayəndəsi Ceymison Qrir bildirib ki, tərəflər kənd təsərrüfatı məhsulları, mal əti və “Boeing” təyyarələri ilə bağlı razılaşmalar əldə ediblər. Onun sözlərinə görə, Çin ABŞ istehsalı olan 200 “Boeing” təyyarəsi sifariş etməyə razılıq verib.
Məlumata əsasən, Vaşinqton və Pekin gələcək ticarət münasibətlərinin idarə olunması üçün yeni mexanizmlər üzərində də işləyir.
Xəbərdə qeyd olunur ki, Donald Tramp Çin tərəfi ilə Hörmüz boğazının açıq saxlanılması və İran məsələsini də müzakirə edib.
#Si Cinpin teqi istifadə olunub
- Tramp Çinə təzyiq göstərə bilmədi: Pekin masaya diktə edən tərəf oldu? - AKTUAL GÜNDƏM
- Ceki Çan Azərbaycana niyə gəlir? | ABŞ və Çin liderlərinin İran anlaşması - YENİ BİR SƏHƏR
- Trampın Pekin səfəri necə yekunlaşacaq? | İran məsələsində razılıq əldə olunacaq? - 24 SAAT
- Dünyanın kilidləndiyi görüş: Çin lideri bu suallarla Trampa nə demək istədi? - Baku TV
- Liderlərdən diqqətçəkən açıqlamalar | ABŞ və Çin münasibətlərində dönüş nöqtəsi yaşanır? - Baku TV
