Pleyeri seçin:
Tükiyə dənizdə yaşayan tısbağalarla bağlı qərar verdi | Bunlara qadağa qoyuldu
Türkiyənin Muğla vilayətinin Fethiye rayonunun dünyaca məşhur turizm məhəlləsi olan Göcekin buxtalarında dəniz tısbağalarının məskunlaşdığı əraziləri qorumaq məqsədilə yay mövsümündə müəyyən saatlarda musiqinin ucadan səsləndirilməsinə qadağa qoyulub.
Bildirilir ki, bu ilin 15 may-15 sentyabr tarixləri arasında yerli vaxtla axşam saat 20:00-dan səhər saat 08:00-a qədər qayıqlarda musiqi səsləndirilməyəcək. Buna əməl etməyən qayıq sahiblərinə qarşı inzibati tədbirlər görülə bilər. Qadağanın məqsədi dəniz tısbağalarının populyasiyasını qorumaqdır.
Qayıqlarda musiqinin ucadan səsləndirilməsi yalnız Türkiyə Ətraf Mühit, Şəhərsalma və İqlim Dəyişiklikləri Nazirliyinin xüsusi icazəsi ilə mümkün olacaq.
Kopyalandı
Seçilmişlər
