Türkiyə bunu gözləyirdi, amma... | Ərdoğandan sərt çıxış

“Ankara Türkiyə parlamentində çıxış etməkdən imtina edən Fələstin Milli Administrasiyasının rəhbəri Mahmud Abbasdan üzr istəməsini gözləyir”.

Bunu Türkiyə Prezidenti Rəcəb Tayyib Ərdoğan deyib.

Məlumata görə, Türkiyə parlamenti M.Abbası İsrailin Baş naziri Benyamin Netanyahunun Amerika Birləşmiş Ştatları Konqresinə səfəri ilə eyni vaxtda Türkiyə Böyük Millət Məclisində danışmağa dəvət edib, lakin Fələstin tərəfi bu təklifə müsbət cavab verməyib.

R.T.Ərdoğan Türkiyə tərəfinin Fələstin rəhbərinin səfərini gözlədiyini, lakin onun gəlmədiyini vurğulayıb.