Türkiyə Ukraynaya 2 "Bayraktar" bağışlayıb

Türkiyənin “Baykar” hərbi şirkəti Ukraynaya 2 ədəd “Bayraktar TB2” pilotsuz uçuş aparatı bağışlayıb.

Bu barədə Ukraynanın Baş Kəşfiyyat İdarəsi məlumat yayıb. Qeyd olunub ki, Türkiyənin zərbə endirən PUA-ları Ukrayna əsgərlərinə Rusiya hərbçilərindən qorunmağa kömək edəcək.

“Bu gün biz Ukraynanın böyük dostları və tərəfdaşlarından "Baykar”dan daha 2 ədəd “Bayraktar TB2” pilotsuz uçuş aparatı aldıq. “Baykar” onları Ukrayna Silahlı Qüvvələrinə və Ukrayna xalqına müdafiə üçün təmənnasız bağışlayıb. Dövlətimizin ən çətin anlarında göstərdiyi güzəştsiz və davamlı dəstəyə görə “Baykar”a sonsuz minnətdarıq”, - deyə məlumatda bildirilir.