Türkiyədə ağır avtobus qəzası: ölənlər var

Türkiyədə azı 12 nəfərin ölümü ilə nəticələnən ağır yol qəzası baş verib.

Sivasdan İstanbula doğru hərəkət edən sərnişin avtobusu idarəetməni itirərək yoldan çıxıb və dərəyə aşıb.

Əraziyə təcili tibbi yardım avtomobilləri, polis və jandarm dəstələri cəlb olunub. Qəza nəticəsində yaralanan 20 sərnişin Yozgat və Sorgundakı xəstəxanalara yerləşdiriliblər. Onlardan ikisinin vəziyyəti ağır olaraq qiymətləndirilir.

Yozgat valisi Mehmet Əli Özkan hadisənin ehtiyatsızlıqdan baş verdiyini, lakin bütün hallarda əsl səbəbin araşdırmalardan sonra bəlli olacağını diqqətə çatıdırıb.

Qeyd edək ki, hadisə ilə bağlı təhqiqat işləri davam etdirilir.